Það er svo brjálað að gera í skólanum.. hef ekkert að segja hérna, og nenni ekki að bulla eitthvað! Síðan er þessvegna komin í örlitla pásu! (Ekki það að ég hafi ekki verið í "pásu" í marga mánuði..) 

Pabbi, þú hringir bara ef þú vilt vita hvað ég er að gera hérna í borginni!

Þið getið samt látið ykkur hlakka til því að það er á stefnuskránni, að opna nýja bloggsíðu með flippmasterunum Fancy, Elínu, Óbsa og Jakó, að ég held amk!

...meira um það seinna!

Ég ætla að gerast svo kræf að stela tveim sögum af bloggsíðunni hennar mömmu gömlu.

þess má geta að þessar sögur eru sannar, og engar ýkjur í þeim..

Fyrri sagan er af mér.. ég var greinilega mjög klár krakki!

hér kemur hún:

"Við áttum einu sinni  kindur í þónokkur ár. Þegar við byrjuðum með þær þá var Guðrún Helga þriggja ára. Við vorum bara með gimbrar. Já og einn hrút. Þetta voru allt lömb frá vorinu, og það var komin ca. mars eða apríl þegar við vorum að spá í það hvort gimbrarnar væru með lambi eða ekki. Ef ekki þá sögðum við að það þyrfti nú að lóga hrútnum ef hann væri ónýtur og hefði ekki gagnast gimbrunum. Guðrún spurði nú hvað það þýddi að vera ónýtur og var henni þá sagt það. Það voru nú margar pælingar í gangi hjá henni, því eftir ca. tvo daga þá sagði hún upp úr þurru: mamma ert þú með barn í maganum?????????? nei sagði ég. Þá gall í henni: ÞARF ÞÁ AÐ LÓGA PABBA????????????????" 

Seinni sagan er af Þórhalli litla bróður mínum:

"Eins og ég sagði þá áttum við kindur. Þegar Þórhallur var á aldrinum (ca. þriggja ára ) þá var það ein kind sem var svo slæm í löppinni að það var fenginn dýralæknir til að líta á hana. Dýralæknirinn skoðaði hana og sagði svo: það er ekkert hægt að gera við hana nema skjóta hana. Það var jú gert. Eftir nokkra daga kom Svanberg Þórðarson í fjárhúsin til okkar og hann var haltur. Við spurðum hann hvað væri að og sagði hann þá: Æi ég er svo slæmur í fætinum. Þá gall í Þórhalli :  ÞARF ÞÁ AÐ SKJÓTA ÞIG SVANBERG ????????????"

Litlir krakkar pæla svakalega mikið í hlutunum! hehe 

Hef ekkert að gera, svo ég ákvað að henda inn myndbandi.. Ég bara get ekki hætt að hlægja af þessu.. 

http://kvikmynd.is/video.asp?land=&offset=81&id=2405

Þá er ég nú loksins komin með netið hérna á stúdentagörðunum.. það tók mig ekki nema 3 vikur! Alveg ótrúlega er ég óheppin í öllu sem tengist þessari blessuðu Reykjavíkur-flutningum mínum!
Allavega.. þá flutti ég frá elskulegu Akureyri 24. ágúst s.l. og bý núna í Suðurgötu 121, Skerjagörðum og líkar það bara mjög vel! Íbúðin mín er reyndar pínulítil.. 29 fm, en samt svo krúttleg eitthvað! Kem amk öllu sem ég nauðsynlega þarf hingað, og það er rúm, sjónvarp og tölva! Meira bið ég ekki um!

Skólinn er kominn á fullt, og mér líkar þetta bara alveg ágætlega held ég.. Sumt auðvitað betur en annað, eins og er yfirleitt í námi.. Ætla að rembast við að klára þetta fyrsta ár, því að þá get ég amk valið mér eitthvað sem er ekki alveg drepleiðinlegt..

Það er samt alveg ótrúlegt með þennan blessaða Háskóla, að ef að ég myndi kæra mig um.. þá gæti ég fengið frítt áfengi um hverja helgi! Það er alltaf djamm allstaðar! Og alltaf allt frítt! Ótrúlegt alveg hreint! Hef reyndar bara einusinni mætt í svona frítt áfengi, og hef komist að þeirri niðurstöðu að frítt alkohol er ekki af hinu góða!

Jæja, ég ætla að reyna að gera eitthvað á þessu heimili mínu.. ég er svo ekki að standa mig í húsmóður hlutverkinu.. það get ég sagt ykkur!

tjá Bella amigos!

Ég á afmæli í dag..

Ekkert meira um það að segja nema bara..

...til hamingju ég!

Ég er lasin, og mér leiðist óstjórnlega mikið! svo ég ákvað að henda inn nokkrum línum!

Það styttist óðum í það að ég flytji úr elskulegu íbúðinni minni hér í Smárahlíð.. Ég veit ekki hvað mér á að finnast um það! En í tilefni þess bauð ég nokkrum rónum í bjórdrykkju á föstudaginn síðasta, og get ekki sagt annað en að það hafi verið algjör snilld! Það verður nefnilega langt í næsta bjór hér í Smárahlíðinni! amk ef ég gefst ekki upp þarna fyrir sunnan!

Ég er samt komin með íbúð á stúdentagörðunum! Ég frekjaðist til að fá að komast aftur á listann þar sem ég var áður en ég canchelaði, þar sem þetta voru nú mistök háskólans.. Ég fékk það í gegn, enda fæ ég allt sem ég vil! (Ekki jafn mikið og Fanney samt! ) Fékk úthlutað íbúð í Eggertsgötu 24 íbúð 406, á 4. hæð á Ásgörðum..og er bara mjög sátt við það! Fanney verður þarna á Skerjagörðum, svo að það verður ekki langt fyrir okkur að taka okkur pásu frá lærdómnum, og rölta yfir í heimsókn annað slagið!

Ég kíkti í afmæli til mömmu gömlu í gær, þar sem kellingin er orðin hálf níræð! Hvorki meira né minna! Þar var alveg heill hellingur af fólki, nánast öll ættin bara eins og hún lagði sig! Þar á meðal litli gullmolinn minn hann Tristan Máni(3 ára). Ég átti við hann hreint út sagt frábært samtal þarna.. Honum var nefnilega mikið í mun að segja mér frá því að það væri allt í lagi með Palla (Pál Óskar).. ég skildi ekkert um hvað hann var að tala og hann tilkynnti mér það að hann hafi séð það í sjónvarpinu að hann hefði fengið ör í hjartað, og það kom hellingur af blóði út.. ég spurði svo forelda hans út í þetta merkilega samtal og þau sögðu mér að greyið Tristan hafi verið svo niðurbrotinn þegar hann sá þetta víðfræga myndband, að hann hefði heimtað að hringja í Palla, og athuga hvort að það væri allt í lagi með hann! Palli útskýrði fyrir honum í rólegheitum að hann hafi bara verið að leika, þetta hefði ekki verið blóð heldur tómatsósa, svo að Tristani var mikið létt, og talaði mikið um þetta við mig! hehe, bara krúttlegt!
Vil samt taka það fram að foreldrar hans Tristans, þekkja Palla mjög vel.. annars hefðu þau ekki látið það eftir honum að hringja í bláókunnugann mann! hehe

Jæja.. tjábella amigos!

Þá er bara enn og aftur kominn mánudagur! ég sver það að þetta sumar er búið að líða alltof alltof hratt! Alveg fáránlegt að hugsa til þess að júlí er rúmlega hálfnaður..

Góð helgi að baki, get ekki sagt annað.. eins og flestir sem lesa þessa síðu vissu, þá sótti ég um líffræði í HÍ, og þar sem ég var ekki búin með nógu mikið af stærðfræðieiningum, og áfanginn sem ég ætlaði að taka í sumar til að redda því, var ekki kenndur, þá fékk ég þvert nei frá þeim þarna fyrir sunnan. ég hringdi svo aftur til að athuga hvort það væri ekki hægt að fá undanþágu þar sem ég var búin með 9 einingum meira en þarf í efnafræði og einhvern slatta í líffræðinni líka, en það var sama svar, nei, því miður.. reglur eru reglur! þú verður bara að taka þetta í fjarnámi í haust, og sækja svo aftur um á næsta ári, og svo sagði hún mér að hún væri búin að henda mér af listanum fyrir undanþágurnar.. Jæja.. ég sætti mig þá bara við það. Ætlaði bara að fara að vinna fyrir sunnan, og var meira að segja líklega komin með vinnu, canchelaði umsókninni minni á stúdentagörðunum og var búin að breyta algjörlega um stefnu.. Jæja.. svo kem ég heim úr vinnunni á fimmtudaginn og þá er bréf í póstkassanum frá Raunvísindadeild! "Kæra Guðrún, við bjóðum þig velkomna til náms í líffræði.. blabla.." mjög undarlegt allt saman! svo að ég fór í flíti og reddaði mér leigjanda af íbúðinni, og fékk geymslu á húsgögnunum mínum! Svo ég er bara á leið í borg óttans eftir mánuð eða svo.. :/
Reyndar var einn stór mínus við þessa blessuðu helgi, og það var sá mínus, að ég gat varla beygt hendina, vegna 2.-3. stigs bruna sem ég fékk! Ég er svo mikill auli, að mér tókst að brenna mig á Hvönn!! Það er svona risa planta sem ég var eitthvað að tæta upp í vinnunni, og fékk fyrir vikið 6 stk blöðrur! þar af ein á ennið! hehe.. en þetta er allt að jafna sig núna

Partý um helgina??

kv GH

Jæja, akkúrat 2 mánuðir síðan að síðasta færsla var skrifuð! það er alveg slatti tími, og á tímabili var ég að spá að hætta bara með þetta drall! een.. Ég hef ákveðið að henda inn einni stuttri færslu, bara fyrir ykkur tuð liðið sem voruð að kvarta!

Ég er formlega orðin fullorðin! Ég kláraði VMA núna 26. maí og fékk hvítan koll í staðinn! Langþráður sá hvíti kollur get ég sagt ykkur!
Dagurinn var frábær í alla staði og mig langar að nota tækifærið og þakka öllum kærlega fyrir mig!
Um kvöldið skelltum við okkur í sjallann á útskrifarveisluna sjálfa, og það var náttúrulega algjör snilld! Enduðum í eftirpartýi með engum öðrum en þýskukennaranum okkar! hehe..

Ég geri annars lítið þessa dagana.. þ.e.a.s. á virku dögunum! Vinn, sef, borða og horfi á sjónvarpið! Ég er reyndar ekki að vinna í samlaginu lengur! Ég er orðin blómaplantari, og er þessvegna yfirleitt með rassinn út í loftið á einhverri umferðareyjunni! Vinn úti 10 tíma á dag, og það er bara búið að vera bomgóblíða síðan ég byrjaði! Fyrir utan kanski svona 4 daga, get ekki kvartað!

Skrapp svo um síðustu helgi á ættarmót á skagaströnd.. það var snilldin einasta! Ekki nóg með það heldur ætla ég um næstu helgi ætla ég á annað ættarmót! Nóg að gera!

Verð að enda þetta á einu af undarlegustu samtölum sem ég hef átt í gegnum ævina! Heimasíminn minn hringdi núna fyrir svona 5 mínútum, ég var meira að segja með tölvuna í fanginu að pikka þessa færslu inn.. og það hljómaði einhvernvegin svona:

Ég: "Já halló"
Einhver: "já, sæl"
Ég: "Sæll?"
Einhver: "Er þetta Guðrún?"
Ég: "uuu.. já, þetta er hún.."
Einhver: "já, sæl.. hvað segjiru?"
Ég: "uu.. ég segji bara alveg ágætt bara?"..
Einhver: "Já, er kallinn þinn heima?"
Þarna var mér farið að gruna að það væri einhver að rugla helling í mér..
Ég: "Hvaða kall?"
Einhver: "Nú, kallinn þinn.. Guðmundur!"
Ég gat ekki annað en hlegið hálf kjánalega meðan ég sagði næstu setningu..
Ég: "uuu.. ég á engann kall, og hvað þá einhvern sem heitir Guðmundur, ertu viss um að þú sért að hringja í rétt númer?"
Einhver: "Já, er þetta ekki Guðrún?"
Ég: "jú, en ég á engann karl sem heitir Guðmundur samt.."
Einhver: "núnú.."   - .. "jæja.. kanski einhvertíma samt.."  - "Bless"

Þegar þessu samtali var lokið sat ég áfram með símann í fanginu og hugsaði "WHAT???!"

Jæja.. ég ætla að láta þetta gott heita í bili

Kv. Flodeskum

Guð, það líður alltaf svo langt á milli færsla hjá mér, að ég man aldrei hvað er búið að gerast síðan síðast..

Get þó sagt ykkur frá síðustu helgi..
Hún byrjaði þannig að Ólöf hringdi í mig og bað mig um að gera sér greiða.. fara út á flugvöll og ná í varahluti fyrir pabba sinn, en ég yrði að vera mætt akkúrat á réttum tíma útaf því að hún myndi ekki borga fyrir þetta, og mennirnir yrðu alltaf svo pirraðir ef að þetta væri látið bíða.. ég hélt það nú að ég gæti þetta! Svo bætir hún við, æji, síminn minn er að verða battíríslaus, og ég er á bókhlöðunni og þar er ekkert hleðslutæki.. ég hringi bara í þig þegar ég kem heim eða eitthvað.. klukkutíma seinna hringir Sveindís í mig og spyr mig einfaldrar spurningar:
Sveindís: "Er Óbó í flugi?" ...
Ég: HA? Uuu... Sveindís.. hún er að læra flug sko.. og ég veit ekkert hvort hún sé að fljúga akkúrat núna.
Sveindís: já, æji.. það er slökkt á símanum hennar.. var bara að spá hvort hún væri komin í loftið..
Ég: (mundi allt í einu eftir bókhlöðunni..) jáá.. allveg rétt hún er á bókhlöðunni að læra og síminn var að verða batteríslaus..
Sveindís: jæja Guðrún.. Okeyyy! við heyrumst síðar!

Ég mæti á flugvöllinn, og segji að ég sé að ná í pakka fyrir Ólöfu og mér er sagt að bíða róleg, flugvélin sé að lenda... jæja.. ég beið og var eitthvað að glápa út í loftið, þar til allt í einu sé ég Ólöfu labba fyrir hornið! hehe.. ljóskan ég fattaði ENNÞÁ ekki neitt, og ég hugsaði.. hvern fjandann er hún að senda mig eftir einhverjum aukahlutum, þegar hún er sjálf í fluginu!?? og segji svo hálf-frekjulega.. Hvað í fjandanum ert þú að gera hér??? Ólöf: núh.. ég er aukahlutirnir!!
Guð.. ég er svo mikill glókollur, að ég fattaði ekki neitt.. ljósu lokkarnir sveiflast bara í andlitið á mér! heheh
Allavega, þá skemmtum við okkur konunglega saman þessa helgi, enda er orðið ansi langt síðan hún hefur komið til Akureyrar síðast!

Við fórum svo á söngkeppni framhaldsskólanna, og ég get ekki sagt annað en að ég hafi gjörsamlega tapað mér þar! Fyrir ykkur lúðapésana sem vissuð það ekki, þá rústaði VMA þessari keppni, og þegar úrslitin voru tilkynnt, þá bara tapaði ég mér! hef ekki sleppt svona fram af mér beislinu síðan ég var lítil á körfuboltaleikjum hjá þór! heheh.. ég hef náttúrulega ekki taugar í einhverja svona spennu fyrir fimmaura!  

Í kvöld er svo stefnan tekin á Ólafsfjörð í afmæli til bróður mömmu.. var að frétta það núna rétt í þessu, að það á víst að vera svaða teiti.. grillveisla og svo bara gítarpartý/karókí á höllinni, langt fram á kvöld! Ekki lætur rónapésinn ég, mig vanta á svoleiðis samkomur!

Tjá bella!
Kv. Guðrún Glókollur!

Það gengur eitthvað erfiðlega að koma færslu inn á þennan blessaða vef.. 
Ég skrifaði þetta í gær.. 

Jæja, þá er ég komin í páskafrí! Þetta páskafrí verpur samt alls engin afslöppun, þar sem ég ætla að reyna að læra mest allann tímann! Þarf að klára að frumlesa tölfræði áfangann sem ég er að læra hér heima í eldhúsi! þyrfti helst að ná bara að klára hann, svo að ég geti byrjað á seinni áfanganum! Á morgun ætla ég svo að fara að kaupa mér páskaegg með lakkrískurli! Það þýðir ekkert að sleppa því um páskana! Ég er samt búin að plana eitt djamm yfir þessa páska, og það verður 8. Apríl.. Ég sleppi að sjálfsögðu ekki Páli Óskari í sjallannum! Hell nó! Ég sleppti því síðast, og hann hringdi til að ath hvað væri á seyði! Ég læt það nú ekki koma fyrir aftur!
Bætt inn 3. Apríl.. Var að heyra að þetta væri 16 ára ball.. svo að ætli maður beili ekki í þetta skiptið

Svo fer nú að styttast í útskrift hjá okkur Fanneyju.. það verður ágætt.. Mig hlakkar samt meira til að dimmitera! Það held ég að verði snilld! Við náttúrufræðibrautin ætlum að vera pöndur og það er víst búið að skipuleggja daginn alveg fram og tilbaka! svaka dagskrá sem byrjar held ég bara 6 um morguninn og endar þegar fólk drepst - áfengisdauða! hehe

Ég var illa haldin á föstudaginn.. ég var nánast farin að hugsa á þýsku! Ég er búin að fara í tvö munnleg próf í þýsku áföngunum mínum með mjög stuttu millibili, og í seinni prófinu, lærði ég takk kærlega fyrir 3 A4 bls utanað! var svo búin að lesa á þýsku í marga klukkutíma, svo að þegar ég gekk loksins út úr seinna prófinu, þá hringsnérust þýskar setningar í kollinum á mér! Eeeen ég held að þetta hafi alveg gengið upp Vona það amk

Jæja, ég ætla að segja þetta gott.. er að fara í mat til Sigurjóns bróður! hann ætlar að elda fyrir mig einhverja svaðalega mexikóska súpu mmm
Tjábella amígós

Þessi færsla var skrifuð 16. Mars: 

Hellúúú, jæja þá er bara kominn föstudagur, enn og aftur! það er allveg ótrúlegt hvað þetta líður hratt! Mars er bara hálfnaður!

Ekki mikið gerst síðan síðast svossem, nema það að ég skrapp suður, aðra helgi í röð!! Það hefur held ég bara aldrei gerst á minni 21 árs gömlu ævi! Ég var hjá henni Ólöfu minni, og við höfðum það allveg ofboðslega gott! Fórum reyndar ekki í flugið sem við vorum búnar að plana.. eða sem Ólöf var búin að plana! Ég kom ekki nálægt því! og skelltum okkur meira að segja smá út á tjúttið á laugardeginum

Um síðustu helgi skrapp ég svo á Baggalút í sjallanum! kom mér reyndar á óvart hvað það var ótrúlega gaman! Við vorum eflaust með þeim lang yngstu sem voru þarna.. en meðalaldurinn var líklega í kringum 40 árin! En samt sem áður, snilld!
Á sunnudaginn munaði engu að ég fengi taugaáfall, í orðsins fyllstu merkingu! .. Ég fór á háskólakynningu í vma í vikunni, og var búin að ákveða að fara bara beint í háskóla, og þá varð HÍ fyrir valinu, á líffræðibrautina þar.. Ég fór þessvegna að skoða hi.is og leist bara nokkuð vel á.. svo kom áfallið.. ég þarf að vera með 21 einingu í stærðfræði til að komast þar inn.. og ég sem er að útskrifast af náttúrufræðibraut, er bara með 15 einingar! Ég er s.s. ekki með stærðfræði í kjörsviði! Aðeins 50 dagar eftir af skólanum, og ég í 21 einingu nú þegar! Loksins þegar ég er búin að ákveða hvað ég vil gera.. þá kemur eitthvað svona uppá! Eeeen, ég ætla að vera jákvæð og ath hvað ég kemst langt á þráanum! Ég er s.s byrjuð á fyrri áfanganum í þessari aukastærðfræði sem ég þar að taka.. og ætla að læra það bara uppá mínar eigin spítur heima í eldhúsi, og taka svo bara lokapróf með hinum krökkunum í maí! Það verður reyndar erfitt, þar sem að ég er í fullum skóla og að vinna með! eeen... ég tapa engu á því að reyna þetta amk.. nema þá kanski geðheilsunni  

Jæja.. ég er í vinnunni, og var bara aðeins að stelast.. Er að hugsa um að fara að fylla á og kanski taka eins og einn hring á ryksugunni!

Tjábella

Spurning um að hætta með þessa síðu þar sem ég er ekki aaallveg að standa mig í því að skrifa eitthvað hér inn... en jæja, sjáum til, ég hendi allavega einhverju smá punktum hér inn núna.. þeir verða ekki margir þar sem ég er í pásu frá stærðfræði lærdómi..

• Heill mánuður síðan ég skrifaði síðast! og meira að segja meira en það..
• Ég hugsa að það sé samt ekki svo mikið sem hefur gerst í millitíðinni, eins sorglegt og það hljómar nú.. 
• Skólinn gengur fínt og styttist í útskriftina.. og Dimmiteringuna!! Bara brjálað að gera hjá manni.. finnst ég alltaf vera upptekin..
• Ég og Fanney skelltum okkur í borgina um síðustu helgi, í tilefni þess að það var löng helgi í skólanum.. get ekki sagt annað en að við höfum skemmt okkur konunglega! hittum helling af fólki sem er flutt suður, og suma sem maður hafði ekki séð í heillangann tíma..
• Ólöf var í Manchester, svo að við hittum hana ekki neitt, en ég ætla nú að bæta úr því, og skella mér aftur suður núna um helgina!
• Fékk sms áðan frá Ólöfu, þar sem hún tilkynnti mér það að við ættum bókaða flugvél klukkan 10:00 á laugardagsmorgninum! Takk kærlega fyrir pent! .. ég hugsa að ég eigi líklega eftir að verða svolítið stíf og aum eftir þessa ferð þar sem ég verð ábyggilega með alla vöðva herpta saman vegna hræðslu á meðan við erum í lausu lofti! .. en hvað um það.. þetta verður ábyggilega mjög gaman bara...
  ...Eftir á..
• Systir mín flutti til íslands með stubbana tvo.. bráðum þrjá! Frábært að fá hana heim á klakann aftur!

Jæja.. læt þetta gott heita í bili..

Jeminn hvað ég er slappur bloggari.. hehe

Jæja.. kominn tími á nýtt blogg, og ég er búin að lesa svona “yfirlit yfir árið” á svo mörgum síðum, að ég varð að gera eins Kanski svolítið langur samt.. heh

Í Janúar man ég nú ekki eftir neitt ofboðslega merkilegt hafi gerst.. ég eyddi mestum mánuðinum í það að panikka yfir fuglaflensunni sem að ég var handviss um að myndi stökkbreytast og koma til íslands og ég myndi deyja!! En það varð víst ekkert úr því og ég er enn sprellilifandi  Ég tók svo 9 einingar í fjarnámi frá VMA og stóðst þær með príði J

Febrúar fór svo aðallega í fylgjast með fréttum um það hvort Silvía Nótt yrði dæmd úr keppni eða ekki.. Ég fór næstum á límingunum á þessum tíma og var þessvegna í skýjunum þegar hún vann undankeppnina. Ýmislegt annað gerðist samt sumt verra en annað.. Litli bróðir minn fór með sjúkrabíl úr skólanum útaf því að hnéskelin hans rann út á hlið! Hann eyddi mörgum mánuðum í endurhæfingu og má enn ekki reyna á sig nema hafa einhverja svaðahlíf sem verndar hnéið :/ Sveindís flutti svo inn til mín og var þar út maí, það sem stendur aðallega uppúr frá þeim tíma er sjónvarpsgláp, eldhús-stúss, hlátur, Rent-söngvar og fl.

Mars byrjaði vel, því að þann fyrsta mars eignaðist eldri bróðir minn æðislegan strák. Dag Árna J Við Sveindís lenntum í klóm pólverja-svindlurum og Sveindís lét freistast! Hún býður þess líklega aldrei bætur!.. Síðast en ekki síst þá var haldin Árshátíð Norðurmjólkur og ég var í árshátíðarnefnd. Það sem fór fram á þeirri árshátíð er ekki prenthæft og þessvegna ætla ég bara að vinda mér í næsta mánuð.

Apríl var stútfullur af lærdómi, páskaeggjum og fermingum. Litli bróðir minn fermdist, og ég er ekki ennþá búin að ná því hvað hann er orðinn gamall! Finnst eins og hann eigi bara að vera úti að leika sér í sandkassanum ennþá!

Maí einkenndist af prófum, prófastressi og geðvonskuköstum! Fyrstu prófin mín í meira en 2 ár, og ég ætlaði sko að standast þau! Útkoman varð miiiikið stress.. mikill lestur og þið getið spurt Sveindísi um geðvonskuköstin sem komu í kjölfarið! Ég stóðst hinsvegar prófin og allt fór vel  Sveindís flutti svo út um miðjann mánuðinn og ég skellti mér til Reykjavíkur til að hitta hana Pálu frænku mína Þar var svaða eurovision teiti og ég skemmti mér konunglega! Pála.. við verðum klárlega að endurtaka þetta þegar ég kem suður

Í mestum hluta af júní, var ég í sumarfríi og fór þessvegna í ótal útilegur og hafði það svakagott! Ég, Fanney og Elín fórum í svaðalegar veiðiferðir niðrá bryggju og ég vil ekki særa neinn, en Fanney... þú skíttapaðir í þessum veiðikeppnum! Heh Byrjaði svo í sumarskóla í þýsku203, og náði henni (rétt slefaði reyndar..:/)

Í júlí tók ég mig til og rústaði eldhúsinu mínu! Reif niður eitt stykki vegg og reif innréttinguna í burtu og setti nýja í staðinn. Reyyyndar gerði ég þetta ekki ein. Eiginlega var ég bara hjálparkokkur sem gerði mest gagn í því að þvælast ekki fyrir! Ég skellti mér þessvegna bara til Danmerkur og var þar í einhverja 10 daga. Fór með stubbunum mínum tveim og skemmti mér konunglega þarna úti

Ég kom svo heim 3. Ágúst og fór að sjálfsögðu beint á versló-djamm! Það var náttúrulega snilld eins og alltaf. Oddeyrarskóla-reunion var haldið og það var allveg frábært að hitta alla! Suma hafði ég ekki séð síðan í 10. bekk og margir höfðu breyst svaðalega mikið á þessum 5 árum. Ég varð svo 21. árs í þessum mánuði og hélt upp á það með pompi og prakt! En ekki hvað?!

Í september byrjaði ég svo í dagskóla í VMA. Eða í lok ágúst, man það ekki allveg.. það var skrítið, en fínt að mæta aftur í skólann eftir svona langa pásu. Við Fanney fórum í útivistaráfanga og þurftum að fara í svaðaútilegu frá víkurskarði yfir í Vaðlaheiði! Ég hélt að ég myndi ekki segja þetta, en djöfull var þetta skemmtileg ferð! Reyndar fannst mér það ekki þegar ég var nær dauða en lífi í einhverri mýrinni þarna lengst inní einhverjum dal. En þetta var bara andskoti skemmtilegt og ég veit að Fanney er allveg sammála mér þar!

Október var eiginlega allveg dauður. Ég reyndar skrapp til Reykjavíkur í til hennar Ólafar, og við skemmtum okkur konunglega!! Var búin að sakna hennar allveg heilan helling og allveg kominn tími og smá hitting! Hún dró mig í flugmanna partý, og ég held grínlaust að ég hafi aldrei skilið svona lítið um það hvað fólk var að tala! Og ég hef djammað í danmörku, og ég sver það.. ég skildi meira þar heldur en í þessu partýi.. heh.. þetta var samt allveg svaka skemmtilegt

Nóvember var ekki merkilegur mánuður.. ég byrjaði reyndar á því að fara suður.. fékk far með Sunnu, og við skemmtum okkur konunglega á leiðinni, þrátt fyrir ógeðisveður aðra leiðina.. restin af mánuðinum fór í verkefnavinnu og prófavesen. Merkilegt hvað kennarar skella alltaf risa verkefnum rééétt fyrir lokaprófin! Allveg típískt.

Fyrrihluti desember fór í prófalestur og próf! Ég fór reyndar bara í 3 lokapróf, svo að þetta var voðalega afslappað miðað við aðrar annir. Náði öllu að sjálfsögðu Strax eftir prófin byrjaði ég svo að vinna í samlaginu, í mínu heittelskaða skyri! .. alveg merkilegt hvað ég enda alltaf aftur og aftur þarna..

Mér fannst þetta ár samt bara allveg ágætt og held að þetta ár verði það bara líka! Eða ég vona það! Ég stefni á það að útskrifast í vor, og var svo að spá að skella mér suður  Vonandi rætist bara úr því

Gleðilegt ár allir!

Jeminn.. ég er sko ekki að standa mig sem bloggari! Spurning um að hætta bara með þetta drall.. hehe. Ég er samt allveg löglega afsökuð með helminginn af tímanum.. helvítis netið datt út, og ég var bara allveg í ruglinu! Allavegana! Á þessum tíma er ýmislegt búið að ske..

• Prófin kláruðust, og ég náði öllu 5, 6, 7, 8, 8, 10 (þessi tía var í jóga! haha)
• Ég fór að vinna í samlaginu í jólafríinu og þótt ótrúlegt sé, þá fékk ég engin spörk! Ég var nefnilega búin að tilkynna öllum að ef að ég myndi byrja aftur þarna, þá mættu þau öll sparka í mig! hehe..
• Ég eigaðist ótrúlega sæta litla frænku á aðfangadag! algjör jóla-gullmoli
• Ég endaði í ruglinu 3. í jólum...litli rónapésin tók völdin.

man reyndar ekki mikið meira í augnablikinu. Í dag var svo síðasti dagurinn í samlaginu, svo að þar til skólinn byrjar verður bara ljúfa líf, ljúfa líf!!

Stefnan er tekin á afmælismat á morgun hjá Fanneyju, og svo sjálfann Pál Óskar á gamlárs! Shit hvað mig er farið að hlakka til!!
Svo kemur Óbó kanski á 2. jan og stoppar jafnvel í einn dag!

Jæja.. ég hef ekkert að segja, og nenni alls ekki að fara að bulla eitthvað!

Sjáumst svo í sjallanum á gamlárs!
Tjábella

TIL HAMINGJU MEÐ 21 ÁRS

AFMÆLIÐ FANNEY!!!